البحث عن الحياة فى المجموعة الشمسية

خلينا متفقين من البداية إن أحنا عندنا نقص فى المعرفة البشرية لكيفية نشوء الحياة وده لسبب بسيط جيدا إن العلم لا يدعى الكمال. لما مش بنعرف حاجه بنقول والله يا جماعة احنا مش عارفيين. وأنا والله شايف شخصيا ده بيرجع إن علماء الأحياء مملين وعلماء الجيولوجيا بيجروا وراء الزلازل. ولأن علماء الفلك والفيزياء على وضعهم ، وقدروا يعرفوا ازاى الكون بدأ وتطور وحطوا نظريات اثبتت صحتها  بالتجارب والملاحظة. ناسا قررت تاخذ الحلو من هنا على الحلو من هنا وتعمل علم جديد اسمه علم الأحياء الفلكي. ايه يا عم العلم ده ؟ العلم ده بيهتم بدراسة أصل الحياة على كوكب الأرض وكواكب المجموعة الشمسية وحتى فى الكون. ( اى كان نوع الحياة دى ) 

بص يابني الحلال علماء الاحياء الفلكية دول حطوا شوية معايير كده طالما هندور على حياة 

1- مصدر للطاقة ، زى الشمس والعناصر المشعة كده 

2-نوعا من الذرات يسمح بتكوين بنى معقدة.. عندك مثلا الكربون والسيلكون بيعملوا اربع روابط وهقولك الفرق بينهم 

3- محلول سائلا تستطيع الجزيئات أن تطفو فيه ويتفاعل بعضها مع البعض، مش لازم ماء ممكن نشادر وإيثيان والكحول الميثيلى 

4-وقتا كافيا كى تنشأ الحياة وتتطور ، بنتكلم فى مئات الملايين من السنوات.

  اقرأئهم كمان مرة معلش ، مهمة دى أوى.  

تعال نطبق على كوكب الأرض. اولاً احنا عندنا مصدر طاقة الى هو الشمس الى بتكون 98% من النظام الشمسى. 

ثانيا ، انت عندك الكربون بيعمل أربع روابط يعنى بيمكنه الارتباط بـ4 ذرات. بص يا سيدى الكربون والسليكون يرتبطوا ب4 ذرات. بس ايه الفرق بينهم؟. اقولك الكربون روابطه بتكون سهلة الكسر (نسبيًا). إنما السيلكون روابطه قوية شوية وخصوصا بالاكسجين علشان كده تلاقى اغلب صخور القشرة الأرضية متكونه من السليكات الى هو سليكون و أكسجين. عنيف أوى السليكون.

ثالثا. طبعا ده الحب كله ، الماء. لو فكرت لثانية هتلاقى الماء بيكون من الهيدروجين والأكسجين ، يعنى من العنصر الأكثر وفرة فى الكون (الهيدروجين ) مرتبط بثالث أكثر عنصر وفرة فى الكون ، صدفة ؟

رابعا: الحياة غالبا موجودة من 4-3 مليار سنة. انت تنتمى للثدييات الى بقالها حوالى 200 مليون على الكوكب. تحمد ربك إنك مكنتش موجود من 250 مليون سنة ، انقراض العصر البرمى قضى على 95% من الأنواع الموجودة. 

نخش فى الجد بقى ، العلماء لما بيبصوا على الحياة بيبصوا على الكواكب القريبة مثلا الزهرة و المريخ ، واقمار الكواكب زى ( يوروبا و أيو  أحد اقمار المشترى ) و القمر تايتنان أحد اقمار زحل. 

تشير الأدلة الحديثة إلى أن الزهرة اتسم بكونه ملائمًا للحياة أكثرمن المريخ في بعض النقاط من تاريخه

الزهرة  يعنى إله الحب الرومانية ، ربما تعتقد إنه مثل كوكب زمردة على قناة اسبيستون ولكن الحقيقة إنه كالجحيم، ربما يستحق لقب اكشن ، كوكب الإثارة والغموض 

فيه فرضية بتقول إن الزهرة كان فيه ماء وبعدين تبخر والكوكب حاليا بيمر باحتياس حرارى متزايد ودرجة الحرارة وصلت على سطحة إلى 500 درجة مئوية. 

المريخ: إله الحرب 

المريخ هو الهدف الأول للبحث عن الحياة خارج كوكب الأرض. المريخ معروف بمجارى انهاره الطويلة والجافة وسهول فيضاناته ودلتا انهاره وشبكات اخاديده التى حفرتها الانهار ، وللاسباب غير معروفة أصبح سطح المريخ جاف تماما 

وفيها فرضيات إن الحياة انتقلت من المريخ إلى الأرض. حاليا المريخ بيملك بعض الجليد فى فى قممة الجليدية بتتكون من ثاتى اكسيد الكربون المجمد.

يوروبا: قمر مغطى تقريبا كاملا من الجليد ويفترض إن تحت هذا الجليد محيط يشمل القمر بأسره.

القمر تيتان هو ثاني قمر مثير للاهتمام في النطاق الخارجي للمجموعة الشمسية.

  وقد كشفت المركبة« هويجنز » والمسبار « كاسيني » عن مشهد مألوف لبحار ودلتا أنهار وأطواف جليدية وسحب، لكن على نحو مختلف. يعتمد الطقس النشط للقمر تيتان علىالإيثان والميثان والأمونيا والأسيتيلين. تقذف البراكين بمزيج من الأمونيا والماء، كما تُرى بحيرات الهيدروكربونات عند دوائر العرض الشمالية. والغلاف الجوي للقمر تيتان أكثر سمكًا من نظيره في كوكب الأرض، ويكاد يتشكل كلية من النيتروجين. يعد قمر تيتان مختبرًا مبشرًا على نحو مذهل لكيمياء الحياة البدائية، وربما يكون المكان الذي سنجد فيه حياة مختلفة إلى حدٍّ كبير عن أشكال الحياة المألوفة على الأرض.

العلماء حاليا بيدورا على حياة خارج المجموعة الشمسية لأن حسب مبدأ عدم التميز احنا مجرد قرود ذكية عايشين فى نجم متوسط بيدور فى مجرة حلزونية عادية وسط مجموعة من 100 مليار مجرة فى الكون يحتمل إنه مجرد كون فى عدد مالانهائى من الاكوان. او ممكن نتبع المبدأ الانساني الى بيقضى إن احنا مميزين وعايشين فى الوقت والمكان الصح علشان نلاحظ الكون. سوء كده او كده. زى مانت شايف الحياة نادرة حتى الآن. فاستخدم المنهج العلمى فى حياتك ولا تكترث كثيرا لما يقوله أو يفعله البشر. ستعيش تلك الحياة مرة واحدة ولا اضمن لك مرة اخرى. فعيشها كما تريد. وسمعنى سلام يكتشف الغامض والمثير يستنتج بالعقل الكثير.

مصادر: كتاب البدايات 14 مليار عام من تطور الكون 
كتاب: نهاية كل شىء