1-
مبدأ عدم اليقين لهيزنبرج. فكرة المبدأ بتتمحاور فى إنك بتشك فى كلامك قبل ما تشك فى كلام غيرك لآنك
مستحيل علميا تكون بتكلم صح 100%. ولازم تدرك إنك يوميا بتتعامل مع بشر مختلفين،
بيفهموا الكلام بطرق مختلفة،بيعبروا عن كلامهم بطرق أكثر اختلافا، وبالتالي نسبة الخطأ بتزداد. كان
فيه عالم عمل تجربة إنه جاب طلاب وقعدهم فى صفوف، وقال لأول شخص جملة وطلب منه
ينقلها للشخص الثانى ، والثانى للثالث وهكذا حتى نصل إلى أخر شخص. طبعا الجملة الى
اتقالت لأول شخص كانت حاجه والجملة الى وصلت لأخر شخص كانت حاجه تانية خالص.
2-
مبدأ الاستبعاد لباولى. وده بيتقسم إلى قسمين. القسم
الأول إنك تبطل تردد كلام محفوظ. انت مش فاهمة، أتربيت عليه من وأنت صغير زى ، (العلم نور) ،
(مدرستنا جميلة نظيفة متطورة.. الكلام ده)
-
القسم الثانى، إنك تنسى خالص إنك تلاقى شخص يتفق معاك
100%، مفيش يابنى الكترونين ليهم نفس حالات الكم الأربعة.. بكلمة أخرى كلنا مختلفين..
لازم تتقبل الاختلاف.. لما تدور على شخص يكون صديقك او حبيتك أو الخ. خليك منطقى ،
خليك بتفهم وعارف إنهم أشخاص عاديين بيزعلوا ، بيتعصبوا، بيشتموا. اوبشن الشخص
الكامل ده ممكن يكون موجود بس صعب أوى وعلميا متسحيل أهو
3-
قاعدة هوند: مفيش حاجه اسمها انت بتحترم الكبير علشان هو
كبير. فيه حاجه اسمها انت بتحترم الكبير والصغير علشان هو شخص محترم. واحنا اخوه
فى الإنسانية وكده يعنى.
قاعدة هوند قائمة على قاعدة عدم التعميم
للعبدلله.. الى قالك الكبير يحترم ده كان بيقول أى كلام لأنه عمم. لأن مش كل
الكبار محترمين. باختصار قاعدة عدم التعميم بتقولك إنه لازم يكون فيه تناقضات. مش
كل القواعد بتشغل على كل الناس.
4-
معادلة دى برولى للحركة: ودى بختصار بتشرحلك إنك ممكن
تلاقى أشخاص شخصيتها بتتخلف على حسب الناس الى بتتعامل معاها أو على حسب مزاجها
العام يعنى. ويتقولك إنك ممكن تقابل ناس الصبح شيوخ وباليل بيرقصوا تانجوا. خليك open mind) .)
وأفهم إن الناس بتحب تغير شخصيتها أو بتعمل حاجات مختلقة خالص.. يعنى مثلا
الإلكترون مش جسيم ولا موجة هو (موجة-جسيم). ايوه الاثنين فى نفس الوقت.
5-معادلة شرودنجر:: بختصار فيه
ناس فى الواقع ممكن تحسهم اى كلام ومش ليهم اى معنى. بس عايز أقولك إن الناس دى
ممكن أوى تكون مش فى مكانها الصح. فيه ناس بتكون مكماة يعنى فجأة كده بتلاقيها تطورت
وأتحسنت بسرعة جدا بمجرد الفرصة تيجى. وفيه ناس لما تاخد طاقة بتثار وبتسيب حياتها
السابقة وبتكون شخص جميل جدا. ومش كلنا بنثار بنفس الدرجة.
يعنى مش معنى إن زملائك
فى الجامعة مثلا مش يشوفوا
(game of thrones ) او rick and morty
يبقى هم متخلفين وحضرتك سابقهم. بطل
تحكم على الناس. مش مجرد إنك عرفت شخص لمدة طويلة أو قصيرة تقرر إنك بقيت فاهم
الشخص ده جدا.
تعليقات
إرسال تعليق