بص يابنى الحلال ، علشان نبقى متفقين كده من الأول ، علشان نوصل لكيف بدأ الخلق ، هنستخدم المنهج العلمى ، ايوه بتاع الملاحظة والأدلة والتجربة ده ، المهم حضرتك بالتأكيد سمعت عن حاجه اسمها الانفجار العظيم ( the big bang theory ) ، وقبل ما تحاول تتروشن عليا وتقولى أيه الى حصل قبل الانفجار العظيم تعال بس نفهم ايه الى حصل بعده معلش خدنى على قد عقلى.
نسيت أقولك إن مصطلح (big bang ) اصطلحه الاستاذ فريد هويل على سبيل
( السخرية) من النظرية :'D والحكاية دى كلها مرتبطة بجهود آلاف من العلماء والأفكار وبيجى على رأسهم البرت اينشتاين بلا منازع الذى يعتبر أبو علم الكونيات الحديث.
النظرية دى مبنية على أساس علمى جاء من ((الملاحظة)) الا وهو ( إن المجرات بتبتعد عن بعضها البعض وبالتالى الكون بيتوسع ) علشان تبقى برنس لازم تفهم إن المجرات ثابته والفضاء هو الى بيتمدد
. حلو ، أتى عالم اسمه جورج لاميترا وقال بالعقل كده لو المجرات بتبعد عن بعضها البعض كل ما الزمن يمر ، فممكن لو رجعنا بالزمن نلاقى كل المجرات دى كانت قريبة من بعض جدا جدا ، أرجع بالزمن أكثر وهنلاقى كل المادة الى فى الكون كانت مضغوظة فى نقطة واحده ، النقطة دى اسمها (singularity ) النقطة دى هى كانت البداية الحقيقة للكون.
بس يا سيدى ، ولسبب غير معروف انفجرت الـ singularity دى ، وتمدد الكون بسرعة أكبر من سرعة الضوء بمراحل ، هتقولى ازاى وبوء مفيش حاجه بتتحرك أسرع من الضوء ، هقولك تفكير حلو ، الفضاء ذات نفسه الى اتمدد اسرع من سرعة الضوء وصلت ؟ وعلشان نبقى واضحين خلينا نقول ( كان الانفجار العظيم انفجار للفضاء لا انفجار فى الفضاء ، اشطا ؟
احنا اتفقنا كده أن الكون كله كان عبارة عن نقطة اسمها singularity (كثافتها لا نهائية و حجمها صفر وقوانين النسبية بتاعتنا مش بتشتغل عندها ) ، بعد كده حصل حاجها اسمها ( التضخم ) المهم الكون تمدد وكبر ودرجة حرارته كانت عالية جدا جدا.
هتقولى المادة زى الالكترونات والبروتونات والنيوترونات جاءت منين ؟
بص يا سيدى فاكر معادلة اينشتاين الى هى اشهر معادلة فى تاريخ الفزياء (E=mc2 ) تعال نطبقها ، الكون لما عمره كان ثانية درجة حرارته كانت مليار ، ولما نحول الطاقة الحرارية إلى كتلة حسب المعادلة هتلاقى الالكترونات بتتكون تلقائيا ، وفى درجات حرارة أعلى قبل كده اتكون البروتونات وهكذا ، عايز اقول لحضرتك إن فى نهاية فترة التضخم درجة الحرارة كانت ألف تريليون تريليون وده المطلوب علشان يكون كل المادة الى موجودة فى الكون المرصود الى بتقدر ب 10 أس 50 طن..
-تريليون = الف مليار
المهم الالكترونات والبروتونات قعدوا يكونوا الذرات زى الهيدروجين ونظيره الديوتيريوم وده عبارة عن نسخة اثقل من نواه الهيدروجين بتتكون (بروتون ونيوترون فقط ) واتكون الهليوم. ومن غير تفاصيل معقدة بدأت المادة تتجمع ويتكون نجوم والنجوم تكون مجرات ، والمجرات تكون عناقيد مجرات والدنيا ماشه زى الفل.
نيجى بقى لجزء مهم ، زى مانت عارف المنهج العلمى قايم على الملاحظة والأدلة والتجربة ، والانفجار العظيم لازم يخضع لدول علشان نعترف بيه فى العلم ، هتقولى بس هنجرب دى ازاى ؟ هقولك بسيطة ، الانفجار العظيم لما حدث اطلق حرارة كبيرة جدا فى هيئة اشعاع ، المهم العلماء اكتشفوا فعلا الاشعاع ده واسمه (اشعاع الخلفية الميكرونى الكونى ) وده حرفيا من اعظم الاكتشافات فى علم الكونيات. وكمان نموذج الانفجار العظيم تنبأ بوجود عناصر معينة بنسب معينة مثلا تعال ناخد اى منطقة فى الكون ونشوف نسب الذرات فيها هتلاقى إن نسبة الهليوم 8 بالمائة من إجمالى الذرات ، ممكن تبقى أكثر بس مش ممكن تبقى أقل.
شىء اخير أنا بحبه جدا شخصيا ، فى بداية الكون خالص قبل زمن الثانية بكثير أوى الكون كان عبارة عن حساء ساخن من الجسميات دون الذرية الغريبة جدا ، العلماء دلوقت بيقدروا فى معجلات الجسيمات يخلقوا الجسيمات دون الذرية دى وده بيأكد حدوث الانفجار العظيم.
المصادر
1- كتاب الجائزة الكونية الكبرى لغز ملائمة الكون للحياة
2- كتاب البدايات 14 مليار عام من تطور الكون
3- قصة الكون لجون جريبين
4- https://youtu.be/9B7Ix2VQEGo
نسيت أقولك إن مصطلح (big bang ) اصطلحه الاستاذ فريد هويل على سبيل
( السخرية) من النظرية :'D والحكاية دى كلها مرتبطة بجهود آلاف من العلماء والأفكار وبيجى على رأسهم البرت اينشتاين بلا منازع الذى يعتبر أبو علم الكونيات الحديث.
النظرية دى مبنية على أساس علمى جاء من ((الملاحظة)) الا وهو ( إن المجرات بتبتعد عن بعضها البعض وبالتالى الكون بيتوسع ) علشان تبقى برنس لازم تفهم إن المجرات ثابته والفضاء هو الى بيتمدد
. حلو ، أتى عالم اسمه جورج لاميترا وقال بالعقل كده لو المجرات بتبعد عن بعضها البعض كل ما الزمن يمر ، فممكن لو رجعنا بالزمن نلاقى كل المجرات دى كانت قريبة من بعض جدا جدا ، أرجع بالزمن أكثر وهنلاقى كل المادة الى فى الكون كانت مضغوظة فى نقطة واحده ، النقطة دى اسمها (singularity ) النقطة دى هى كانت البداية الحقيقة للكون.
بس يا سيدى ، ولسبب غير معروف انفجرت الـ singularity دى ، وتمدد الكون بسرعة أكبر من سرعة الضوء بمراحل ، هتقولى ازاى وبوء مفيش حاجه بتتحرك أسرع من الضوء ، هقولك تفكير حلو ، الفضاء ذات نفسه الى اتمدد اسرع من سرعة الضوء وصلت ؟ وعلشان نبقى واضحين خلينا نقول ( كان الانفجار العظيم انفجار للفضاء لا انفجار فى الفضاء ، اشطا ؟
احنا اتفقنا كده أن الكون كله كان عبارة عن نقطة اسمها singularity (كثافتها لا نهائية و حجمها صفر وقوانين النسبية بتاعتنا مش بتشتغل عندها ) ، بعد كده حصل حاجها اسمها ( التضخم ) المهم الكون تمدد وكبر ودرجة حرارته كانت عالية جدا جدا.
هتقولى المادة زى الالكترونات والبروتونات والنيوترونات جاءت منين ؟
بص يا سيدى فاكر معادلة اينشتاين الى هى اشهر معادلة فى تاريخ الفزياء (E=mc2 ) تعال نطبقها ، الكون لما عمره كان ثانية درجة حرارته كانت مليار ، ولما نحول الطاقة الحرارية إلى كتلة حسب المعادلة هتلاقى الالكترونات بتتكون تلقائيا ، وفى درجات حرارة أعلى قبل كده اتكون البروتونات وهكذا ، عايز اقول لحضرتك إن فى نهاية فترة التضخم درجة الحرارة كانت ألف تريليون تريليون وده المطلوب علشان يكون كل المادة الى موجودة فى الكون المرصود الى بتقدر ب 10 أس 50 طن..
-تريليون = الف مليار
المهم الالكترونات والبروتونات قعدوا يكونوا الذرات زى الهيدروجين ونظيره الديوتيريوم وده عبارة عن نسخة اثقل من نواه الهيدروجين بتتكون (بروتون ونيوترون فقط ) واتكون الهليوم. ومن غير تفاصيل معقدة بدأت المادة تتجمع ويتكون نجوم والنجوم تكون مجرات ، والمجرات تكون عناقيد مجرات والدنيا ماشه زى الفل.
نيجى بقى لجزء مهم ، زى مانت عارف المنهج العلمى قايم على الملاحظة والأدلة والتجربة ، والانفجار العظيم لازم يخضع لدول علشان نعترف بيه فى العلم ، هتقولى بس هنجرب دى ازاى ؟ هقولك بسيطة ، الانفجار العظيم لما حدث اطلق حرارة كبيرة جدا فى هيئة اشعاع ، المهم العلماء اكتشفوا فعلا الاشعاع ده واسمه (اشعاع الخلفية الميكرونى الكونى ) وده حرفيا من اعظم الاكتشافات فى علم الكونيات. وكمان نموذج الانفجار العظيم تنبأ بوجود عناصر معينة بنسب معينة مثلا تعال ناخد اى منطقة فى الكون ونشوف نسب الذرات فيها هتلاقى إن نسبة الهليوم 8 بالمائة من إجمالى الذرات ، ممكن تبقى أكثر بس مش ممكن تبقى أقل.
شىء اخير أنا بحبه جدا شخصيا ، فى بداية الكون خالص قبل زمن الثانية بكثير أوى الكون كان عبارة عن حساء ساخن من الجسميات دون الذرية الغريبة جدا ، العلماء دلوقت بيقدروا فى معجلات الجسيمات يخلقوا الجسيمات دون الذرية دى وده بيأكد حدوث الانفجار العظيم.
المصادر
1- كتاب الجائزة الكونية الكبرى لغز ملائمة الكون للحياة
2- كتاب البدايات 14 مليار عام من تطور الكون
3- قصة الكون لجون جريبين
4- https://youtu.be/9B7Ix2VQEGo
تعليقات
إرسال تعليق